يابنات مصر انتوا اهل العزه والافتخار
خرجتوا للميدان ولا همكم ضرب النار
حطمتواجميع القيود ودكيتوا كل الاسوار
قلتوا مش راجعين بيوتنا الا ومعانا النهار
يابنات مصر انتوا الابطال انتوا الثوار
يابنات مصر صوتكم بقي مسموع وعالي
ولو سال دمكم هيكون الدم عزيز وغالي
انا بنت بهيه وبهيه بكره هتغني بموالي
كتبتوا تاريخ مصر بدم الشهيده.... سالي
يابنت مصر كل الدنيا بيكي بقت فرحانه
بايته في الميدان لحد الصبح وسهرانه
حالفه تجيبي النصر لمصر وعزمانه
انك تفرحي وهتفرحي ولادك معانا
يابنت مصر قلنا شعر في ضحكتك
وجمالك وسحنتك و وحده مخدتك
محد قال كلمه في فوران ثورتك
اليوم مش هنتكلم الا عن وطنيتك
رسمتم للعالم احلي وحده وطنيه
دم المسلمه حضن دم المسيحيه
الدنيا عرفت مين البت المصريه
سلام ليكم واحل واجمل تحيه
وتحيا مصر [center]
