منستهلش نبات في حضنها

احمد الاشرف كتب:هذه القصيده كتبتها قبل الثوره بأسبوع

وجاءت الثوره واثبتت اننا بالفعل من حقنا نبات في حضنها

ده اللي رسم النغزه علي خدودها

كان في الاصل حلواني

يبقي لازم نحبها

من بحرها

لصعيدها الجواني


هتفضل هي هي

ام الدنيا كلها


حتي لو قسيوا عليها ولادها

وضربوها علي كبدها

وسرقوا صيغتها ودهبها

وفكوا ضفاير شعرهاااااااااا


يغوروا ولادها وولاد ولادها

دي عمرها خمس تلاف سنه

ولسه هتعيش قدهم

واحنا اللي فايتين


بس اللي بعدنا هيحكوا ازاي

تعبناها .......


وهيحطوا راسنا في الطين



ان كنا معرفناش نحافظ علي بهيه

يبقي احنا اكيد شياطين ملاعين

منستهلش حتي نبات في حضنهااااااااا